Tole dari Lolah ka Gorontalo da bawa Miras Cap Tikus 1 Galon, depe rencana pas sampe disana so ada yang mo bili deng harga mahal, karna cap tikus no.1 ni dia alias bakar manyala.
Mar pe soe lei sampe di perbatasan Tole pe oto dapa tahan kong dapa periksa lei. pas tu petugas dapa lia tu galon, dia batanya pa Tole," apa yang da isi di galon tu dia bos?".
Tole masih mo baakal lei kong bilang,"Oh cuma aer minum tu dia komandan". Tu petugas nda percaya kong pi periksa tu isi didalam galon.
Baru tabuka jo sadiki depe penutup galon, tu petugas so dapa ciong tu aroma Cap Tikus. Karena rasa so dapa akal tu petugas langsung ba marah pa Tole. Dia bilang bagini," ah ngana mo coba baakal pa petugas e' !, cap tikus ni dia kang!",
Tole leh pura2 kage kong bilang," ah masa komdan, mana ta mo rasa". Tole leh pura2 bingo kong barasa sadiki, abis barasa Tole langsung bataria dengan sukacita," PUJI TUHAN!! SO MUJIZAT NI DIA KOMDAN!!".
Sumber :
Cerita ini hanya sebuah kutipan dari anak Gorontalo dan Manado.
Tidak ada komentar:
Posting Komentar